ಆ ಕ್ಷಣ

ಹೊಳೆಯಾಯ್ತು ಮನಸು
ಎಲ್ಲೆಲ್ಲೂ ಕೆಂಪು ಪಸರಿಸಿತು
ಕಣ್ಣೀರು ಉಕ್ಕಿ ಹರಿದು
ಹಸಿಯಾದ ಕೆನ್ನೆಗೆ
ಮುತ್ತನಿಟ್ಟ , ಗೆಳೆಯ!

ಹೀಗೇಕೆ?

ನಿನ್ ಬೆರಳ ಕುಂಚದಲಿ ಮೈ ತುಂಬ
ಅರಿಶಿಣದ ಚಿತ್ತಾರ ಮಾಡಲೇಕೆ?

ರಕ್ತದಿಂದಾದರೂ ಸರಿ, ಹಣೆ ಮೇಲೆ
ಕುಂಕುಮವ ತೀಡಲೇಕೆ?

ನಿನ್ ಹೃದಯ ಕೋಟೆಯ ಪಟ್ಟದರಸಿ ಆಗಲಾರದ ನನ್ನನ್ನು
ಕೇವಲ ದಾಸಿ ಮಾಡಿಕೊಳ್ಳಲೇಕೆ ?

ಕಾದಿರುವೆ ಅರಸ ಕೋಟೆ ಬಾಗಿಲ ಸಂದಿಯಲ್ಲೇ,
ಕಣ್ ದೃಷ್ಟಿ ಒಮ್ಮೆಯೂ ನನ್ನತ್ತ ಹರಿಸಲೇಕೆ ??

ಬಾಗಿಲು ತೆರೆಯದವಳು ...

ಹಸಿರು ತುಂಬಿತ್ತು ಹೃದಯದ ಹೊಲದಲ್ಲಿ,
ಪ್ರೀತಿಯ ಮಳೆಯ ಕೃಪೆಯಿಂದ!
ಶಾಂತಿ,ನೆಮ್ಮದಿಯ ಬೆಳೆಯೇ ಬೆಳೆದೆ,
ಮುತ್ತಿನ ಕಣವನ್ನೇ ಅವಳ ಅಂಗಳದಲ್ಲಿರಿಸಿದೆ;
ನನ್ನ ಆಗಮನಕ್ಕೆ ಕಾದು ನಿಂತಂತೆ
ಬಾಗಿಲು ಸದಾ ತೆರೆದಿದ್ದಳು.

ಇಂದು ಬರಗಾಲ, ಅದು ನನ್ನ ತಪ್ಪಲ್ಲ,
ಮನೆಯೋಳಗಿದ್ದೆ ಬೀಗ ಹಾಕಿದ್ದಾಳೆ ಬಾಗಿಲಿಗೆ!!
ಬಾಗಿಲೋಡಿಯಲೋ? ಅಥವಾ ಬೀಗ ಹುಡುಕಲೊ?!

Anticipation

I have been waiting for you
with the cup of my youth;
And you are wandering,
begging for a mere drop of nothing!

I am all set with the musical instruments,
on this full moon night to sing for you the love song;
But you are knocking the door
in the neighbor, which never opens!

I am drowning in the night water
with stretched hands;
And you are reaching for a hand of victory!

Come my Love, come back to me;
before the thick black clouds cover the moon
and there be no light;
before time claims my bleeding heart
for its thirsty sharp edge!

ಕಾಣದವನು

ಸಾಗರದ ಸಿಂಹ ಘರ್ಜನೆಯಲ್ಲೂ ,
ಝುಳು ಝುಳು ಹರಿಯುವ ತೊರೆಯ ಕೊರಳಲ್ಲೂ,
ಹಕ್ಕಿಗಳ ಮುಂಜಾನೆ ಹಾಡಿನಲ್ಲೂ,
ನನ್ನನ್ನೇ ಕರೆಯುತಿಹ ಧ್ವನಿ ಅದ್ಯಾವುದೋ?!

ಮೋಡದ ಅಂಚಿನ ಸಂಜೆ ಸೂರ್ಯನ ಹೊಂಗಿರಣದಲ್ಲೂ,
ಚಂದಿರನಿಲ್ಲದ ರಾತ್ರಿಯ ದೀಪದ ಹುಳುವಿನ ಕಾನ್ತಿಯಲ್ಲೂ,
ಕಾಮನ ಬಿಲ್ಲಿನ ಬಾಗಿನ ಚಿತ್ತಾರದಲ್ಲೂ,
ನನ್ನೇ ನೋಡುತಿರುವ ಆ ಕಣ್ಣ್ಯಾವುದೊ?!

ಚಿಗುರೆಲೆಯ ಹಸಿರಿನ ಹುರುಪಿನಲ್ಲೂ,
ಹೊಸ ಹೂವಿನ ನವಿರಾದ ಕಂಪಿನ್ನಲ್ಲೂ,
ಮಳೆ ಬಿದ್ದ ಮಣ್ಣಿನ ಸುವಾಸನೆಯಲ್ಲೂ,
ತನ್ನ ಉಸಿರು ಬೆರೆಸಿ ನನಗೆ ಕಚಗುಳಿ ಇದುತಿರುವ ಆ ಕೈಯಾವುದೋ?!

ಅರಿವು

ನೀ ಹೋದಲೆಲ್ಲ ನಾ ಬಂದೆ ನಿನ್ನ ಹಿಂದೆ
ಏನನ್ನೂ ಪ್ರಶ್ನಿಸದೆ ;
ತಲೆಯೆತ್ತಿ ನೋಡಿದಾಗಲೇ ತಿಳಿದದ್ದು
ಆ ದಾರಿ ಎತ್ತವು ಸಾಗದ ವೃತ್ತವೆಂದು.

ನನ್ನೆಲ್ಲ ಹುಚ್ಚು ಮಾತಿಗೂ ಹ್ಞೂಗುಡುತ್ತಿದ್ದ
ನಿನ್ನನ್ನು ನೋಡಿ ನಾ ಹಿಗ್ಗಿದೆ ;
ಆ ನಂತರವೇ ಅರಿತೆ
ನೀ ಕಿವುಡನೆಂದು.

ನೀನಾಡುವ ಪ್ರತಿ ಮಾತೂ
ನನ್ನ ಹೃದಯ ತುಂಬಿ ಪ್ರತಿಧ್ವನಿಸುತ್ತಿತ್ತು;
ನಾವಿದ್ದದ್ದು ಮಸುಕಿನ ಕೂಪದಲ್ಲಿ
ಎಂಬ ಜ್ನಾನವಿಲ್ಲದವಳಾಗಿದ್ದೆ ಆಗ.

ನೆಲಕಚ್ಚಿ ಕೂತು,ತಲೆ ಮೇಲೆ ಕೈ ಹೊತ್ತು
ಅಳುವ ಜಾಯಮಾನವಲ್ಲ ನನ್ನದು!
ಒಡೆದು ಗೋಡೆಯ ಮುನ್ನುಗ್ಗಿರುವೆ,
ಸಾಗುವೆ ಹೊಸ ಬೆಳಕಿನೆಡೆಗೆ.

ಪಯಣ

ಜೀವನ್ಮೃತ ಮನಸಿಗೆ
ಕನಸುಗಳ ಕಂಬದ ಆಸರೆ
ರೋಸಿದ ಹೃದಯಕೂ
ಆಶೆಯ ಪ್ರೀತಿಯ ಚಿಗುರು ...

ಸಾಗುವ ದಾರಿಯ ಕೊನೆಗೆ
ಕಾಣದ ಬೆಳಕಿನ ಕರೆಯು
ಹಿಂದೆ ಬಿಟ್ಟು ಬಂದಷ್ಟೇ ನೆನಪುಗಳು
ಮುಂದೆ ತೆರೆದುಕೊಳ್ಳುವ ಸುಂದರ ಪರಿಯು ...

ಆಗಸದ ಬಾಗಿನ ತುದಿಗೆ
ಹಾದಿಯ ಚೂಪು ಮೊನೆಯು
ಕೈಗೆಟುಕಿದ ಬೆಟ್ಟದ ಹೂವಿನ ಪರಿಮಳದ ಸೊಗವು
ಪಯಣಿಗನ ಶಾಂತಿಯ ನಿಟ್ಟುಸಿರು ...